المدونة

عمودك الفقرى هو محور الكون سبحان الله ربنا بكرمه ودقته خلق فى جسمنا عمود فقرى دوره محورى على جميع المستويات كلامى هنا هيكون فى ضوء مجالى وهو الطاقة والصحة النفسية عمود فقرى سليم = سريان طاقى متزن العمود الفقرى بيقوم بدور الموصل اللى بيوصل كل انواع الطاقة للجسم كله يعنى ايه كل انواع الطاقة؟ يعنى الطاقة الحيوية - طاقة المال - طاقة الصحة - طاقة الانوثة او الذكورة كل الانواع بتفاصيلها يعنى لحدوث سريان طاقى متزن محتاج عمود فقرى متزن ايه المشكل اللى ممكن تحصل فى العمود الفقرى وتأثيرها وحلها وهل طاقة السنه دى ليها علاقة بيها؟ ايه اللى ممكن يأثر على صحة عمودنا الفقرى وانا هنا مش بتكلم طبيا انا بتكلم من الناحية الطاقية يعنى اي اللى ممكن يأثر على سريان الطاقة فى العمود الفقرى اللي لو اتأثر هياثر علي صحة العمود الفقري بالتاكيد ١- الضغوط: الضغوط النفسيه من اكتر العوامل اللي بتاثر علي الطاقة بشكل عام ولو زادت او متعاملناش معاها بحكمه هتوصل للتاثير الصحي وده بيحصل ازاي وليه عمودي الفقري هو القناة الاساسية والموصل الأساسي للطاقة في جسمي فلو حسيت انا مضغوط تبتدي توصل اشارات للجسم برفع حالة الاستعداد فيبتدي الجسم يزود استهلاك الطاقة اللي بيستخدمها فعمودي الفقري اللي كانت بتمر فيه الطاقة بسلام يبدأ يحصل فيه حالة احتقان نتيجة لحالة التأهب طب لو حصل اني حسيت بالقهر والظلم او العجز مع احساسي بوجود ضغط عليا في الحاله دي تبدأ تحصل انسدادات في سريان الطاقة كنوع من أنواع الاعتراض او انذار بوجود وضع غير متزن وطبعا الانذار مش هيحصل في هدوء ده هيحصل ومعاه الم هل الالم بيحصل بشكل عشوائي؟ بالطبع لا مفيش شئ عشوائي بيحصل في جسمنا ومكان الألم في اوقات كتير بيعرفني نوع الضغط ونوع الشعور واكثر الاعضاء اللي اتاثرت بيه طيب الحل ايه استمرار الضغوط لفترة طويلة ممكن يسبب تآكل لنسيج معين واحنا هنا نخص بالذكر العمود الفقري ايه نوع الضغوط اللي بتأثر علي العمود الفقري بالتأكيد المسئوليات حتي لو كانت مسؤوليات نفسية زي شيل الهم او القلق علي مستقبل اللي بنحبهم مع استمرار شيل المسئوليه ولحد مابنوصل لمرحلة اننا شايلين فوق طاقتنا ولقرار داخلي اننا مش هنشتكي او ان مفيش فايده من الشكوى بيدا يحصل خلل كبير في طاقة العمود الفقري ثم مع استمرار وجود المسبب وهو المسئولية الخلل بيتحول من خلل طاقي الي تلف في العضو وبيظهر في صورة خشونه ، انزلاقات أو اعوجاج في العمود الفقري الحل اللي مفيش مهرب منه هو تخفيف المسئوليات او على الاقل تعلم كيفية ادارة الضغوط وده بيتم من خلال الاستعانة بمعالج متخصص في الحالة دي جلسات العلاج بالطاقة ممكن تساعدني ازاي ١- تعرفني نوع الضغوط بالظبط اللي مأثره علي عمودي الفقري ٢- إعادة الاتزان للطاقة وده يكون افضل لو احنا لسه في مرحلة بدري وموصلش الخلل لتلف بالفعل في العمود الفقري طب لو وصل لتلف ايه دور الجلسات ١- في الحالة دي الجلسات ليها دور فعال جدا في تقليل الألم ٢- منع الخلل منه يزيد ويسبب تلف اكبر او انه ينتقل للقدمين وباقي العمود الفقري طب طاقة السنه ايه علاقتها بالموضوع ده

❓ايه هو علم الطاقة الحيوية "الريكى"؟ 💓 ✔️الطاقة هي مجال موجود حوالينا في كل مكان وبيحيط بكل شئ في الكون بما فيه احنا 🔵المجال ده لما بيكون متوازن بيسبب دعم لينا سواء صحيا او نفسيا والعكس 🔶المجال الطاقي مش وهم او شئ غير قابل للقياس بالعكس المجال الطاقي ليه مكونات واضحه وقابله للقياس وفي اجهزه وكاميرات بتقدر تقيسه وتحدد صفاته بالتحديد ❓بنستفيد ايه من معرفة مجالنا الطاقي؟ لما بنقدر نفهم مجالنا الطاقي ونحدد حالته بنقدر نفهم حاجات كتير عن نفسنا وبنقدر نساعد نفسنا علي مختلف المستويات📊 ❓ايه هو الريكي؟ 🧘‍♀️ 🔆الريكي هي المدرسه الاسهل والاكثر انتشارا في العالم للعلاج بالطاقة الريكي مدرسه تجمع بين السهوله والدقة والامان التام مدرسة بنتعلم فيها الطاقة من الاساس وبشكل علمي بعيد عن اي خرافات او غيبيات مبهمه بنتعلم نعالج نفسنا والاخرين ونقوي مناعتنا ونحمي نفسنا من اي طاقات سلبية

العكس تعالو نفهم الاول ايه اللى بيحص اثناء الجلسه وتأثيره العام على طاقتى 1- بداية الجلسة بيتم الكشف على المجال الطاقى للعميل ومعرفة التأثيرات الطاقية الموجوده فيه 2- بيتم تنظيف جميع الشاكرات من اى طاقات سلبية موجوده فيها 3- بيتم شحن مراكز الطاقة او الشاكرات بطاقات ايجابية بتقويها وبتسرع عملية التشافى 4- بيتم شحن وتقوية الهالة وزيادة كثافتها ومقاومتها لاى طاقات سلبية خارجية 5- بيتم غلق المجال الطاقى وهالة العميل بالكامل وبالتالى المجال الطاقى بيكون مقفول وعنده قوة تصعب اختراق اى طاقات سلبية مهما كان نوعها

طاقتك بتقول عنك ايه؟ شعوري بنفسي او نظرتي لنفسي بيكون متسجل علي هالتي او طاقتي واي حد بيقابلني بيستقبل الشعور ده وبيعاملني بناءا عليه فلو انا شايف نفسي ضعيف او عاجز وسهل انتهاكي اي حد هيتعامل معايا هيحس بده ويتخطي حدوده معايا لو حقوقي وحدودي مش واضحه بالنسبه لي ،فاللي هيتعامل معايا هيستقبل اشارات مني بتقول اضغط عليه هيستحمل رؤيتك لنفسك بتنعكس علي طاقتك طاقتك مرايه ليك كل الناس بتشوفها حتي لو حاولت تخبي احترامك وتقديرك لنفسك ضروره حدودك لازم تكون مرسومه بوضوح الحدود في العلاقات لازم تكون واضحه ليك اولا محدش هيتخطي حدوده معاك غير لو كنت لاوعيا قابل او حدودك مش واضحه ليك انت اولا لو اتعرضت لموقف مسئ او مش عاجبك دي فرصه انك تبص جواك وتشوف انت شايف نفسك ازاي وطاقتك بتقول للناس تتعامل معاك ازاي #عروسة_الاسماعيلية #مي_الطيب